السعر على العام

بسطة تطبيق بيجمع المتاجر الأونلاين والمشاريع المنزلية بالأردن بمكان واحد. بتتصفح البسطات والمنتجات، بتسأل صاحب البسطة، وبتبعتله طلبك بالمحادثة.

لا. بسطة وسيط بس، وما في دفع ولا بطاقات داخل التطبيق. السعر النهائي وطريقة الدفع بتتفق عليهم مع صاحب البسطة بالمحادثة.

بسطة ما بتوصّل. كل بسطة إلها طريقتها بالتوصيل أو الاستلام، وبتتفقوا عليها بالمحادثة. معلومات التوصيل بتلاقيها بصفحة البسطة، بتبويب "معلومات".

البيع والاتفاق بيكونوا بينك وبين صاحب البسطة مباشرة. فريق بسطة بيراجع كل بسطة قبل ما تظهر، وبيتابع أي بلاغ، بس ما بيضمن المنتجات ولا الدفع.

ايه. التصفح والطلب والمحادثة وفتح بسطة كلهم مجاناً.

افتح المنتج، اختار الخيارات (مثل المقاس أو اللون) والكمية، واضغط "أضف للسلة". من السلة اضغط "إرسال الطلب"، اختار عنوان أو ابعت موقعك، والطلب بيوصل لصاحب البسطة كرسالة بالمحادثة.

ايه. السلة بتجمع المنتجات حسب البسطة، وكل بسطة إلها طلب لحال ومحادثة لحال.

الطلب رسالة بالمحادثة، فاحكي مع صاحب البسطة مباشرة وعدّلوا عليه سوا.

من حسابي ← عناويني. العنوان الافتراضي بيطلع أول واحد لما تبعت طلب.

اضغط زر "+" بالنص تحت، أو من حسابي ← بسطاتي. عبّي الاسم والشعار والفئة والموقع وأوقات العمل، وابعتها للمراجعة.

فريق بسطة بيراجع البسطات الجديدة خلال 24 ساعة عادةً. بيوصلك إشعار لما تنقبل، أو إذا بدها تعديل. وبتقدر تضيف منتجات من هلأ.

السبب مكتوب بلوحة البسطة وبالإشعار. أشهر الأسباب: معلومات ناقصة، شعار أو غلاف مش مناسب، فئة ما بتناسب النشاط، أو نشاط مش مسموح. عدّل وابعتها من جديد.

ايه. الوصف والغلاف وأوقات العمل والتوصيل بيتعدّلوا فوراً. الاسم والمعرّف والفئة والشعار بيروحوا للمراجعة، وبسطتك بتضل ظاهرة بمعلوماتها القديمة لحد ما ينقبل التعديل.

ايه، في حدود لعدد البسطات بكل حساب، ولعدد المنتجات والأقسام والردود السريعة بكل بسطة. التطبيق بيعلمك لما توصل للحد.

من لوحة البسطة ← المنتجات ← إضافة منتج. كل فئة إلها حقول خاصة، مثل المقاسات والألوان للأزياء، أو وقت التحضير للأكل.

كل طلب بيوصلك كرسالة بمحادثة الزبون، ومعه إشعار. من الرسائل ← بسطاتي بتشوف محادثات كل بسطاتك.

من لوحة البسطة، زر الإظهار. البسطة بتختفي عن الزبائن لحد ما ترجّعها.

بإيميلك. بنبعتلك رمز من 6 أرقام، بتكتبه بالتطبيق وخلص. ما في كلمة سر.

شوف مجلد الرسائل غير المرغوب فيها (Spam)، وتأكد إنه الإيميل مكتوب صح. بتقدر تطلب رمز جديد بعد دقيقة.

من حسابي ← تعديل الملف. بنبعت رمز للإيميل الجديد ورمز للإيميل الحالي، والتغيير بيصير بعد ما تكتب الاثنين.

من حسابي ← إعدادات الإشعارات. إشعارات حالة البسطة دايماً شغالة. وبتقدر تكتم محادثة معينة من خياراتها.

من حسابي ← تعديل الملف ← حذف الحساب. بسطاتك ومنتجاتك وبياناتك الشخصية بتنحذف. رسائلك وتقييماتك القديمة بتضل، بس باسم "مستخدم محذوف".

من صفحة البسطة أو المنتج (زر الخيارات ⋯ ← إبلاغ)، أو بضغطة مطوّلة على الرسالة بالمحادثة. فريق بسطة بيراجع كل بلاغ.

من المحادثة ← الخيارات ← حظر. اللي حظرته ما بيقدر يراسلك ولا يبعتلك طلب. وبتقدر تلغي الحظر من نفس المكان.

فريق بسطة بيراجع البلاغ، وبيوصلك إشعار لما يخلص. إذا في مخالفة، ممكن نوقف البسطة أو نخفي المنتج أو التقييم.